KSO Shillong Golden Jubilee cum Khanglai 2011

Achesa October 3,2011 ni chun Silchar a um Kuki chate thalheng in KWS Chairman Pu K Chongloi lamkaina’n KSO (Sil)/KWS (Sil) member 18 in KSO Shillong Golden Jubilee le KWS Khanglai 2011 a ding in Shillong Khopi ah anakikalsong  in ahi.

                October 5, 2011 nikho in Kuki Students’ Organisation Shillong Branch kum 50 lhinna Golden Jubilee chu munchom chom a kon Kuki chate , India khopi chom chom a kon le foreign akon Nam lamkai tamtah jaona’n loupi tah in Multi-Use Convocation Hall, NEHU Campus ah ana kimang khom in ahi. Pu Dr. Mukul Sangma, Hon’ble Chief Minister, Meghalaya Chief Guest ding ana kiti chu ahung thei tah lou jeh in akhel ding ahin sol in ahi, Pu T. Haokip, IRS Commissioner (Appeals), Customs & Central Excise, Patna; Pu L. L. Doungel, IPS Inspector General of Police (Arm Police), Kolkata chuleh Pu Haujakam Chongloi Retd. District Officer, Kangpokpi, Manipur Guest of Honour, Functional President le Jubilee Pa hina’n ana kimang in ahi. KSO Shillong le Assam regiment training centre/ARC kuki akon in  Jat-le-nam chondan , laam vetnom umtah vetsah na aum in, lasathem  Nu Lamkholhing le adang dang t a kon’n jong la ngeitah tah akingai lhan, lolhingtah in kinchu ana kichaijin ahi.

                October 6 ,2011 nikho in Khanglai 2011 nikho masapen ahito lhon in jingkah devotion Rev Satpao Hangsing lamkai na in devotion ana um in ahi.Sun kaikhom ah  Rev. T Lhouvum  in Pathen thu  hilna aneijin, KWS Shillong, Happy Valley, Delhi chule Guwahati akon in Pathen vahchoila ngeitah tah ana kingailhan ahi. Kaikhom kichai in seminar sessions aum in, Session-I ah Rev Thongkhosei Haokip  in “Historical Account and Theological Foundation of KWS “ topic mangcha in hilna ana neijin ahi. Session-II ah Pu Lunjalen Khongsai in “KWS’s responsibilities towards student community” topic in houlimna ana neijin ahi.  Seminar Session-III Rev Canon David T Haokip in “KWS in the 21^st century “ ah mipi hilna ananei in, group discussion jong ana um in ahi. Spiritual Talent Scouting aumin, laam, skits chule Pathen vahchoila ngeitah  tah  ngailhahna/vetlhahna akineijin ahi.Nilhah kaikhom in Rev Canon David T Haokip in Pathen thu hilna aneijin , KWS Shillong, Silchar Delhi, Bangalore, Happy Valley chule Guwahati akon in Pathen vahchoila ngeitah  tah ana kisa in ahi.

                October 6, 2011 jingkah devotion Pu DP Haokip in ala in, Pathen thuhilna giltah ana neijin ahi. Jingkah kaikhom in Pu Paothang Haokip in Pathen thu hilna aneijin, KWS unit chom chom a kon in Pathen vahchoina la ngei tah tah jong akingailha’n ahi Sun’n Business Session/Discussion chuleh Election aumin ahi. Hiche a chun, khonung a KWS kimanchah ding dan thu ho kihoulim na le lamkai kilhen na ana um in ahi. Lamkai ho hi alui a ana po ho mama in term khat apohjom ding in kilol na ana kineita’n ahi. Nilhah kaikhom in lamkai ho Rev. Helen Singsit in thenso na aneijin, Pathen vahchoina la ngeitah ho jong akingai lha’n, Khanglai 2011 Covenant jong aum in ahi.    

                Pu Hethong Haokip a kon’in Decadal Report hojong akingailha’n ahi. Rev J Seiboi Guite in phat khumkhana taona aneijin Khanglai 2011 lolhingtah in akichai tai. Aban Khanglai 2014  Bangalore a  KWS Bangalore le  KWS Chennai in host abolkhom ding ahi..

Tuchung KSO Shillong Golden Jubilee le Khanglai 2011 sung’a lhunna,ge-na, neh-le chah hoitah le lolhingtah a eigonpeh u KSO/KWS Shillong le Happy Valley chung’ah seijou lou kipathu akiphong’e. Pathen in Inampi’u mapuijing tahen !