KSO Silchar Branch Thuphon

25th September, 2011:
Achesa Lhalam 24, 2011 nikho a KSO Silchar toukhomna kiphatsah bangin, hiche thuphon hi ahung kneijin ahi. Silchar khopi sunga cheng Kuki chate kivaipoh naleh kivaihom dan akitup thei nadin KSO Silchar Branch in anoija hung kipe chenghi chepi ding leh juicheh dinga phatsah ahi.

1. Khantou dungjui a kihetto nathei din KSO-Silchar in lhaseh thuso khat neilou khoh akisan, hiche thuso min dingin “PHOLVA” phatsah ahi tai. Chuleh KSO Silchar Branch Publicity Wing in hiche thuso ahin boipi din ngense na thalhingset akipe in ahi.
 

 2. Silchar sunga Kuki chate kivaihomna:

a.       Silchar khopi sunga Kuki chate’n lhagao lam’a kiloikhomna KWS leh tahsa lam kivaihomna dingin KSO akinei yin, Silchar a themjil hihen, natong hijong leh hiche kiloikhom na ho a minkhum (Registration) akibol cheh dia hetsah ahi. Hijeh chun, Silchar khopi sunga kiloikhom na hiche teni tilou adang umda phot hen, tin phatsah ahi. I-ham tia aum lou’va akhoh leh KWS & KSO hetpeh na a semding in pha akisa in ahi.

b.      Silchar sunga cheng Kuki chate hi atamjo simlai jeng ahin, chuleh Government/Private natong phabep aum in ahi. KWS leh KSO in malam a tohgon lentah tampi akinei jin, hijeh chun Silchar pamlam akon kiloikhomna dang-dang hon simlai hihen natong ho kom hijong leh kai-le-don (Demand) ahung bol lou diuva phatsah ahi toh lhonin hiche temna hi akinei jin ahi.

      3.  KSO Silchar a minkhum (Registered Member) simlai ho kitilkhou nale machal theina dingin, lamchom-chom a lolhinna neiho kipapina “Outstanding Awards” akigong in ahi.

a.       Pu Chengjapao Doungel Meritorious Award: Koi tabang themjil nalam a lolhinna sangpen (Gold Medal) hinmu ho din “Pu Chengjapao Doungel Award” akigong in ahi. Hiche hi KSO Silchar award adia asangpen ahi.

b.      Pu Ngulhao Thomsong Meritorious Award: Hiche kipaman hi Ph.D, MBBS & Engineer (Professional Courses) lam’a lolhinna neiho dia kigong ahi.

c.       Meritorious Award: Hiche kipaman hi Class X apat Post Graduate chan’a First Class/Division a lolhinna nei jouse kipeh ding ahi.

d.      Best Voluntary Service Award: Hiche hi KWS leh KSO lamkai ho tailou, Silchar sunga Kuki  chate koi hijong leh Nam khohsah nale ngailutna neipen ho dia kipaman ahi.

Sd/-

Lunminthang Mate

General Secretary

Kuki Students’ Organisation

Silchar Branch