KWS 2nd Foundation Day le 1st KSO Silchar Freshers' Social Meet 2011

Achesa August 21,2011 (Sunday) ni chun Silchar (Assam) sung’a um Kuki chate jouse’n  Anivei channa Kuki Worship Service Silchar Foundation Day le Akhatvei channa Kuki Students’ Organisation Silchar Branch Freshers’ Social Meet  Oriental School Chapel Hall, Mission Compound (Silchar) ah kipahtah in  ana kimang khom in ahi.

Anivei channa KWS Silchar Foundation Day thupi “Enlarge the place of your tent” (Isaiah  54:2) mang cha in Pu Sokhothang Haokip, Chairman KWS Aizawl in tilkhouna giltah ana neijin ahi.

Akhatvei channa KSO Silchar Freshers’ Meet ah Chief Guest Pi Ruth Doungel Lenthang, ACS Extra Asst Commissioner in Kuki chate pan lah khom ding dan thu hilna jong ananeijin ahi. Guest of Honour Pu Peter H Mate, President KSO(GHQ) le Functional President Pu Fonidhor Chorei, President Kuki Innpi Barak Valley akon in jong tilkhou na le houlim na ngeitah tah ana neilhon in ahi. Kuki Artistes Progressive Union Assam, KWS Silchar Choir le Ng Hatnu Changsan akon in vahchoi la ngaitahtah ana kingai lha’n ahi. Traditional Dance, Traditional Display chule Mr&Miss Freshers lendoh na jong ana um in ahi.

Hiche kin kimanna sung hin Silchar Khopi sung a um Kuki chate keo hilouvin munchom chom a kon nam lamkai ho eihung lhah khom pi uvin ahin. Kuki Innpi Meghalaya, KWS Shillong, KWS Aizawl, KSO Agartala, KSO GHQ, Kuki Inpi Karimganj, KCF Karimganj, Hmar Fellowship Silchar chule adang dang hiche kin a hung lhajouse chung’ah KWS & KSO Silchar kipana thu ahun kiphong'e.