One Day Sports lolhingtah a kichai

KSO Silchar tohgon na noija 2012 kumsung'a kisuh halna ding a ana kigong One-Day Sports Meet chu achesa Bulte Nisim 14,2012 nichun Silchar Khopi sung'a um Kuki Chate'n thanomtah le lungkhat tah in ana kimang in ahi. Pu Kamkhochon Chongloi Special Guest in mipi tilkhouna le KSO ponlap (flag) khaisang na aneijin, Rev Mang Johnson Simte in Pathen heng'a phatjouse lhandohna aneijouvin, One-Day Sports Meet hondoh anahitai. 

Hiche sung'a chun kichep-golseh jatchom chom ana kibol in, hi che ho chu-

• Football (Men)
• Volleyball ( Men & Women)
• 100 Metre Race
• Shot-put chule adang dang..

Chuleh, hiche golnop/golseh sung'a ding in Lawm (Group) li (4) in ana kihom in ahi. 

LAWM MIN HO:

1. Tintong Lawm
2. Ngulkhup Lawm
3. Enjakhup Lawm
4. Khotinthang Lawm

Kichep-golnop jatchom chom akichai tohlhon in Special Guest Dr Jangkhomang Guite, Asst. Professor in mipi tilkhouna le houlimna chomcha aneijin, kichep-golseh a lollhing ho kipaman hopdoh na ana neijin, ponlap (flag) khailhah na jong ana neijin ahi. Pi Chongneng Gangte in Pathen heng'a taona aman jouvin KSO Silchar One-Day Sports Meet chu khumkha ahitai.